DiniDeppDocs stellt sich vor:
Mir sy zwöi Medizinstudis im 5. Jahr (Sophia & Victor), wo mängisch dummi Sache im Spital mached. Nid nur mir mache Fehler, sondern o d Experte u Expertinne wo im Podcast ihri Erfahrig mit üs teilet. Ide Folge dreit es sich um alles rund um d Fehlerkultur; mit spannende Fakts u praktischi Tipps.
D' Fehlerkultur, ds Kommuniziere u Lerne vo Fehler isch üs sehr wichtig.
Zeme unger Kolleg*inne über Fehler rede, nimmt üs de Stress ab u führt zur Entstigmatisierig. Us dem Grund organisiere mir üsi StuDDDis-Treffe ☕️🧠🧁
Bi jeder Folg gits no e inhaltlichi Verteufig unger "Podcast Collection", da git s echt vil zum lerne!
Wenn du o e Fehler gmacht hesch u gärn devo würdisch verzelle, de schrib üs doch. Mir freue üs uf Guests im Podcast!
Sücht chasch o amene Treffen z'Bern mit angere Medizinstudis teilneh. Dert redemer unger Schweigpflicht über Fehler, wo mer gmacht odr gseh hei. D'Ahmäudig läuft über d'Jahreschat vo de UniBern, d Website & Instagram.
We du Frage hesch, chasch üs gärn via d Kontakt-Siite schriibe odr uf Instagram.
Sponsoring von der fachschaft medizin universität bern
Sit November 2023 werde mir grosszügig vode fsmb ungerstützt. Mitem geld chöimir üs en audiobearbeitungs-software leischte und en AI tool zum d Audioqualität chönne verbessere. Mitem bruchemir keni Mikrofone, u chöi Experte u Expertinne usem Usland per Videocall interviewe.
Schliesslich chöimir gmütlicheri Fehler-Treffe organisiere mit leckere Kaffis u Guetzlis.
Mir bedankek üs ganz herzlich bide fsmb 😊